मुक्ताईनगर येथे महसूल विभागातर्फे सेवा पंधरवाडा कार्यक्रम

जे ई स्कूल येथे 638  दाखल्यांचे वाटप

 संदीप जोगी मुक्ताईनगर ...

 .....  महसूल विभागातर्फे 17 सप्टेंबर ते 2 ऑक्टोबर पर्यंत सेवा पंधरवडा राबविला जात आहे.  मुक्ताईनगर महसूल विभागातर्फे सेवा पंधरवडा राबविण्यासाठी अधिकाऱ्यांची नियुक्ती करण्यात आलेली असून तालुक्यातील लाभार्थ्यांनी लाभ घेण्याचे आवाहन  तहसीलदार गिरीश वखारे यांनी केलेले आहे. एक ऑक्टोंबर रोजी जे ई स्कूल येथे 638  दाखल्यांचे वाटप करण्यात आले.

    पंधरवड्यामध्ये महसूल थकबाकी वसुली जिवंत सातबारा उतारा यामध्ये मयत खातेदारांची नावे वगळणे   व वारसांची नावे दाखल करणे, जिवंत शिधापत्रिका यामध्ये अपात्र व मृत लाभार्थी नाव वगळणी करणे, शेत सुलभ योजना, शेत रस्ते पानंद रस्त्याची नोंदणी, दफनभूमी स्मशानभूमीवरील अतिक्रमण निष्कासन करणे, छत्रपती शिवाजी महाराज महासमाधान शिबिराचे आयोजन करणे, महाविद्यालयीन शिबिरे घेणे यामध्ये विद्यार्थ्यांना विविध दाखले उपलब्ध करून देण्यासाठी आवश्यक कागदपत्रे जमा करणे व दाखले वाटपासाठी शिबिर आयोजित करणे  ,भोगवटादार वर्ग दोन जमिनीचे वर्ग रूपांतर करणे यामध्ये पुनर्वसन कायद्या अंतर्गत प्राप्त जमिनीची धारकांकडून रूपांतरण करण्यासाठी प्राप्त रकमा भरणा करून घेणे या कामकाजासाठी  निवासी नायब तहसीलदार निकेतन वाडे, निवडणूक नायब तहसीलदार प्रदीप झांबरे,  पुरवठा निरीक्षक रुषी गावडे, कुळ कायदा अव्वल कारकून दीपक भुतेकर, सांगायो अ का कैलास पाटील, महसूल सहाय्यक किरण बाविस्कर, कृष्णा माळी ,गौरव पाटील ,स्वप्नील खोले ,उमेश झाल्टे व सर्व मंडळ अधिकारी काम पाहणार आहेत. नुकतीच तहसीलदार गिरीश वखारे , नायब तहसीलदार प्रदीप झांबरे यांनी तालुक्यातील सर्व शाळांचे मुख्याध्यापक यांची बैठक तहसील कार्यालयात घेतली होती.

@@@ मुक्ताईनगर येथील जे ई स्कूल व ज्युनिअर कॉलेज येथे एक ऑक्टोंबर रोजी विद्यार्थ्यांना अधिवास दाखले 308 , उत्पन्न  दाखले 238,  जात प्रमाणपत्र दाखले 92 असे एकूण 638 दाखले चे वितरण करण्यात आले. प्रसंगी नायब तहसीलदार प्रदीप झांबरे, गट शिक्षण अधिकारी वसंत मोरे, जे ई स्कूलचे प्राचार्य विकास चौधरी त्यांच्या सह शिक्षक, विद्यार्थी विद्यार्थिनी उपस्थित होते.