जिल्हा वन अधिकारी राम धोत्रे यांची माहिती.
कोथळीचे पोलीस पाटील चौधरी यांची तत्परता
संदीप जोगी मुक्ताईनगर...... Viral News Live
मुक्ताईनगर तालुक्यातील कोथळी मानेगाव शिवारातील शेत परिसरात वन्य प्राण्याचे ठसे आढळून आलेले असून ते असे वाघाचे पायाचे ठसे असल्याचे संशयित असल्याचे प्रथम दर्शनी दिसून येत असल्याचे जिल्हा वन अधिकारी राम धोत्रे यांनी सांगितले.
मुक्ताईनगर तालुक्यातील कोथळी मानेगाव परिसरात दोन दिवसापासून मोठ्या प्रकारचे वन्य प्राण्याचे ठसे असे दिसून आल्याने शेतकऱ्यांनी कोथळी चे पोलीस पाटील संजय चौधरी यांच्याशी संपर्क साधला.
रविवारी सकाळी पुन्हा सध्याचे ठसे दिसून आल्याने नागरिक शेतकऱ्यांनी बघितले . मानेगाव येथील शेतकरी योगेश बेलदार आणि कोथळीतील शेतकरी रोशन राणे यांनी पोलीस पाटील संजय चौधरी यांच्याशी संपर्क केला असता चौधरी यांनी थेट वनविभागाला फोन लावला असता मुक्ताईनगर येथे संपर्क होऊ न शकल्याने त्यांनी श्रीमती दिपाली बेलदार वनरक्षक यांचे संपर्क केला असता त्यांनी वरिष्ठ अधिकाऱ्यांची संपर्क करते असं सांगून आम्ही सर्व टीम येतो असे सांगितले. नंतर जिल्हा वन विभागाचे अधिकारी श्री धोत्रे यांच्याशी संपर्क केला सदर झालेली घटना त्यांना सांगितली. तात्काळ जिल्हा वन अधिकारी यांनी पोलीस पाटील संजय चौधरी यांच्याशी संपर्क साधून वन विभागाचे पथक थोड्याच वेळात घटनास्थळी आपल्याकडे येणार असल्याची माहिती दिली. वनरक्षक दिपाली बेलदार , वनपाल शिर्के यांचे सह वन कर्मचारी घटनास्थळी पोहोचले होते.
पथक आल्यानंतर कोथळीतील निखिल रमेश राणे , योगेश दामोदर राणे , संकेत राजेंद्र राणे तसेच मानेगावातील योगेश बेलदार व त्यांचे सहकारी पूर्ण वनविभागाच्या टीम सोबत फिरून निवडून आलेले संबंधित ठसे तपासणीसाठी जळगावला पाठवल्याने ते वाघ या प्राण्याचे निष्पन्न असल्याचे समजते. तर काही गुराखी शेतकरी शेतावर असताना एका मोठ्या टेकडीवर त्यांना वाघ जाताना दिसला होता तशी माहिती शेतकऱ्यांनी पोलीस पाटील यांना दिली त्याप्रमाणे जिल्हा वन अधिकारी राम धोत्रे यांच्याशी संपर्क केल्यामुळे त्वरित त्यावर पाहणी करून तपासणी करण्यात आली.
या प्रकारामुळे मुक्ताईनगर तालुक्यातील हरताळा, कोथळी, सालबर्डी, मुक्ताईनगर, मानेगाव या परिसरातील शेतकरी भयभीत झाले आहे त्यांना वन विभागाने जनजागृती करून तसेच संबंधित हे सर्व प्राणी याला बंदिस्त किंवा या परिसरात त्याचा वावर आहे किंवा नाही याचा तपास करून शेतकऱ्यांच्या मनातील जो धाक आहे तो काढून सहकार्य करावे ही मागणी शेतकऱ्यांची आहे.
डीएफओ यांनी दिली आरएफओ यांना समज.....
मुक्ताईनगर वनपरिक्षेत्र अधिकारी (आर एफ ओ) यांचे विषयी सरपंच व पोलीस पाटील यांच्या आर एफ ओ फोन उचलत नाहीत अशा तक्रारी असल्याने त्यांना समज दिलेली असल्याचे डीएफओ श्री राम धोत्रे यांनी सांगितले.
