अंतुर्ली येथे चुनरी यात्रा उत्साहात संपन्न

अतिक खान (मुक्ताईनगर)

अंतुर्ली येथे नवरात्रोत्सवानिमित्त विश्व हिंदू परिषद व बजरंग दलाच्या वतीने आयोजित करण्यात आलेली पारंपरिक चुनरी यात्रा मोठ्या उत्साहात पार पडली. या यात्रेचे यंदाचे हे पाचवे वर्ष ठरले.

चुनरी यात्रेला बजरंग चौकातील बजरंग बली मंदिरातून सुरुवात झाली. प्रथम आरती करून कन्या पूजन करण्यात आले. त्यानंतर डीजे शिवगर्जना साऊंडच्या तालावर व “हनुमान दादा”च्या उपस्थितीत यात्रेला प्रारंभ झाला.

गावातून मार्गक्रमण करत ही यात्रा इच्छापुरकडे रवाना झाली. बसस्टॅण्ड परिसरात पोहोचल्यावर सर्वांनी एकत्रितपणे हनुमान चालीसा पठण केले. त्यानंतर यात्रेची सांगता इच्छादेवीला चुनरी अर्पण करून करण्यात आली.

याप्रसंगी गावातील प्रतिष्ठित नागरिक, विश्व हिंदू परिषद-बजरंग दलाचे कार्यकर्ते तसेच ग्रामस्थ मोठ्या संख्येने सहभागी झाले होते. दरवर्षीप्रमाणे याही वर्षी यात्रेत भक्तिमय वातावरण आणि उत्साहाचे स्वरूप पाहायला मिळाले.

 अशा रीतीने नवरात्रोत्सवात अंतुर्ली येथील चुनरी यात्रा भक्तिभावात आणि जल्लोषात संपन्न झाली.