शिवसेना (उबाठा)च्या तहसील कार्यालयालयातच  आमरण उपोषण करण्याच्या धास्तीने तहसीलदार यांचे आदेशान्वये विवरा येथील अतिवृष्टीत नुकसान झालेल्या शेतकऱ्यांच्या शेतात जाऊन कर्मचाऱ्यांची प्रत्यक्ष पाहणी सुरू 

मलकापुर:- तालुक्यातील विवरा येथे गत महिन्यात 16 सप्टेंबर 25 रोजी अतिवृष्टीमुळे शेतकऱ्यांचे शेतातील पिकांचे अतोनात नुकसान झालेले आहे पालकमंत्री, आमदार,उपविभागीय अधिकारी, तहसीलदार मलकापूर यांनी प्रत्यक्ष येऊन पाहणी केली परंतु सरसकट मदत जाहीर केली शासनाच्या निकषाप्रमाणे खरडून गेलेल्या जमिनी 100% पिकाचे नुकसान तसेच विहिरीचे नुकसान आणि पुरामध्ये ठिबक सिंचन वाहून गेले याची कुठेही पाहणी न करता सरसकट मंजुराती दिली. विवरा येथील जवळपास 200 शेतकऱ्यांनी वैयक्तिक नुकसानीचे अर्ज  आज दि.09 ऑक्टोबर 25 रोजी तहसिलदार राहुल तायडे यांचेकडे दाखल केले असून आमच्या शेताची प्रत्यक्ष पाहणी करून आम्हाला शासनाने दिलेल्या निकषानुसार आर्थिक मदत मिळावी चार दिवसात शेतांची पाहणी करून आम्हाला आर्थिक मदत न मिळाल्यास  आम्ही शेतकऱ्यांसह, शिवसेना पदाधिकारी तहसीलदार यांच्या दालनातच लोकशाही मार्गाने आमरण उपोषण करू असा इशारा निवेदनाद्वारे दिला होता शिवसेनेच्या आंदोलनाच्या इशाराच्या धास्तीने तहसीलदार यांनी 9 ऑक्टोंबर रोजी क्रं.कावि/म.स/ नै.आ.341/25 नुसार लेखी आदेश काढून नीता जायभाये ग्राम महसूल अधिकारी, शिवणकर मॅडम कृषी सहाय्यक, ए.एच.मोरे ग्रामपंचायत अधिकारी, एस के वानखेडे मंडळ अधिकारी नरवेल, टी एम सोनोने उपकृषी अधिकारी विवरा, परिहार कृषी अधिकारी पंचायत समिती मलकापूर, नोडल अधिकारी व्ही एस चव्हाण नायब तहसीलदार संगायो तहसील कार्यालय मलकापूर यांना एका पत्राद्वारे आदेशीत करुन विवरा येथील शेतकऱ्यांनी  केलेले एकूण 136 व 29 अर्ज शेतकऱ्यांचे विवरा गावातील आलेल्या अर्ज प्रमाणे प्रत्यक्ष मोक्यावर जाऊन नुकसानीबाबत पंचनामा करून शासनाच्या निकषाप्रमाणे तात्काळ या कार्यालयास अहवाल सादर करण्याचे आदेश तहसीलदार राहुल तायडे यांनी दिले आहे.निवेदन देतेवेळी शिवसेना उपजिल्हाप्रमुख गजानन ठोसर,विधानसभा संघटक राजेशसिंह राजपूत, शिवसेना शहर प्रमुख हरीदास गणबास, शिवसेना उपशहरप्रमुख शकील जमादार,वाहतूक सेना शहरप्रमुख इमरान लकी, विभाग प्रमुख चांद चव्हाण,घनश्याम चोपडे, शुभम पाटील, सुनील चोपडे,सोपान भोगे, दीपक कडू,प्रकाश भादलकर, प्रफुल्ल बऱ्हाटे सह शेतकऱ्यांची उपस्थिती होती.